Chivwanu chama wupu ngo ngalimbikisanga anyinafwi kutopu rwandi pandali pa chisankha chapa 16 September 2025, wa Gender Coordination Network wawonesa kuleka kukondwa ndi umana wanyinafwi wo walongo kuti wasankhika kuwa alongozi muboma la Nkhata Bay.
Mukucheza ndi Chirundu Online, yumoza mwawanthu wo wemu chivwanu cha Gender Coordination Network Diaz Sichinga wati mbambula kukondweseka pavyo vachitika pavyakulondo vambula kupanikizika ndi wupu wa MEC vyo vilongo kuleka kuchita umampha kwa anyinafwi pandali.
A Emily Chinthu Phiri ku Nkhata Bay South ndiwu wija wawonesa wakusankhika kuwa MP kweniso a Patricia Longwe ndiyu ija wawoneka wakusankhika kuwa khansala, pade pakuwa ndanyinafwi wanandi wo wanguwonese linweka.
A Sichinga mukumaliza wati wakalekiyanga apa cha kweni kuwasambiza mbwenu wo wazamuwa ndi linweka lakumiya mu chilimika cha 2030.
Chivwanu chama wupu cho chidanika NGO- Gender Coordination Network chiteweta milimu yaki ndi chovyu chakutuwa ku UN Women mwakovyeka ndi boma la Sweden kweniso boma la Norway po milimu yawu yemumaboma nganayi kusaziyapu Nkhata Bay.
Wakulemba: Aubrey Kaima
