Kutayiliya pa midauku ndi nthowa imoza yo isaziyaku kusapaliya kwa kachibungu ka HIV ko katambisa nthenda ya AIDS mu boma la Nkhata bay.
Mwakuyanana ndiyo wawona vya chivikiliru cha mwana kuti waleki kuto kachibungu ka HIV kutuliya ku nyina kuziya mukonkhesa kweniso nthowa zinyaki ya Prevention of Mother to Child Transmission, a Diana Lwesha Mwanyongo wati kuseweze ntchitu mazgu nge “Nthengwa imala kweni mubulu umala cha” ntchimoza mwa vyo vipangisa kuti wanthu wapangengi ujazi wakugawana munthukazi kweniso munthulumi.
A Lwesha wakamba makani agha pa nkholi yakujekuliya zuwa lakukumbukiya wanthu wo wendi kachibungu ka HIV kweniso AIDS yo yachitika pa 10 April pa liwuwa la sukulu ya Chombe Primary, po wati kuziya mu mazgu ngange agha gho ghatoleka nge mudawuku ku wanthu wakuja mu boma linu munthu wangaziwa kuto kachidononu pakutole kuti ndi nyengu yosi cha akumana mwakujivikiliya.
Kweni mukudapu mulomu Senior Chief Timbiri wati makani ghakuti matenda agha ghawanda kuziya mu midauku ndi mbiri yamwaka pakutole kuti pasonu panu viyembwi vinandi vakuzunguliya boma la Nkhata Bay vikufufuta midauku nge Mbirigha, Chihalu kweniso inyaki mwaku yo.
Wakulemba : Peter Mayazi
