MP pakati pa boma la Nkhata Bay a Vuwa Kaunda wapempha yo wapenja kumiya ngeti MP mu Chipani cha MCP pakati pa boma ili a Lyton Changa Kaunda kuti waleki kuseweze ntchitu wanthu wa chipani cha DPP kuti wawawovyi pa chisankha chama pulayimale cho chikhazika kuchitika mwambula kuswela.
A Vuwa Kaunda wakambiya Chirundu online musanaware kuti, vyo apanga a Changa Kaunda nkhwamba nkhondu pakukhumba kuseweze ntchitu wanthu wa Chipani cha DPP pa chisankha cho wawengi nachu chamapulayimale.
“Ada vyo apanga a Changa Kaunda waleki, nkhondu yo wayiyamba mbana anamana, ndipu kweche sonu waleke limu kukhumba kuseweze ntchitu wanthu wangu, akambiyeni wasaniyi wawu”, a Vuwa Kaunda wakamba mwaviyo.
Ku rwandi lawu a Changa Kaunda wati ivi ativiziwa cha ndipu alivi nyengu yakunyengezele munthu wa DPP munthowa yo waganiziya kweni iwu wakamba fundu za chitukuku zo wanthu wakhorwa nazu lekani watiwalondo.
“Afumbeni a Vuwa wo pa vilimika 25 vyo waja mulongozi ngeti MP, wachitanji, kumbi ndiwupe akuti angaja MP kunu, nyengu yakwana akapumuwi”, wadapila viyo Changa Kaunda.
Ndi Makani agha nkhwantha pa ndali a George Phiri wapempha alongozi awa kugowozga mazu ngakuchombolana ngo ngangaziwa kuzisa vivulupi pakati pa wanthu.
Wakulemba: Robert Muyemba
