Ofesi yakuwona vyakuti palivi mphambanu pakati pa anyinafwi ndi awiswefu mu boma la Nkhata Bay yati wendi chigomezu chosi kuti anyinafwi wanandi wakasankhikanga pa chisankha chapatatu pa 16 September 2025.
Mukucheza ndi Chirundu FM, mulunguchizi ku ofesi iyi, Gift Mwambungu wati ngeti ofesi mbakulumba ndimwenimo anyinafwi walondeleke ndi wanthu kumalu ko wamiya weni ukongwa asani wakamba fundu zakuti wanthu waziwavote.
Mukudapu mulomu Wupu wa NGO- Gender Coordination Network kuziya mwaku yumoza wakuteweta ku wupu uwu, Dorothy Chiumia wapempha wakumiya anyinafwi pakuwonele chisankha kuziwa masu ukongwa kuwonesesa voti ya nyinafwi yavikilikiya.
Nayu yumoza yo wangumiya, A Margareth Mwase wachipani cha People’s Development Party, a Pelera Chirwa wati vyo wasambira vikaovyanga ukongwa pa makani ghakuvikiliya voti yanyinafwi.
Wupu wa NGO- Gender Coordination Network uteweta milimu yaki ndi chovyu chakutuwa ku UN Women mwakovyeka ndi boma la Sweden kweniso boma la Norway po milimu yawu yemuma boma nganayi kusaziyapu boma la Nkhata Bay.